PETRUS Espinaeus

PETRUS Espinaeus

Archiepiscopus Lugdunensis, eloquens, et eruditus. Purpurae desideriô impense ardens, cum favore Henrici III. illam nancisci non posset, ratus ab aemulo Espernonio sibi obicem poni, in Ducis Guisii castra transiit: quo occisô in Comitiis Blesensibus, captivus detentus A. C. 1588. mortem, S. Malini nepotis beneficiô, effugit. Liberatus postmodum, obstinatissime Ligistis adhaesit, Ducis Meduanii intimus; cui Lugdunô semel servatô, cum secundâ vice resistere civibus frustra conaretur, quô minus legitimo Regi se dederent, maerore animi interiit, a. C. 1599. Thuan. Hist. l. 81. 101. et 122. Avila bell. civ. Gall. etc.